স্বপ্ন সমাধি
বিপ..... বিপ..... বিপ..... মোবাইলতো খুলি চালে অংকিতাই। স্ক্ৰীনত ভাঁহি আছে এটা এচ. এম. এচ.। "" তিনি বজাত বৰুৱা কাফে পোৱাকৈ ওলায় আহিবা।" তিনি বাজিবলৈ আৰু আধা ঘণ্টা বাকী। অংকিতাই হেন বেগটো আকৌ এবাৰ খুলি চালে। প্ৰয়োজনীয় সৰু বস্তু কেইটা ভৰোৱা হৈ গল। এতিয়া মাকক ফাঁকি দি ঘৰৰ পৰা ওলাই যোৱাৰ পাল। ঃ মা.. মা... (অংকিতাই চিঞৰে) মই ফ্ৰেণ্ড এজনৰ বাৰ্থডে পাৰ্টি এটা খাবলৈ যাওঁ। টিনাৰ লগত... আহোঁতে অলপ সন্ধিয়া হব পাৰে। ঃ আৰু কত কি নাখাও তই। মাহেকত তোৰ কিমান যে পাৰ্টি নোলায়। বৰকৈ লৰাৰ লগত পাৰ্টি পাৰ্টি কৰি হলিগলি কৰি নুফুৰিবি। --- মাকে সকিয়াই। ঃ মা.. সিহঁতবোৰ মোৰ কেৱল ফ্ৰেণ্ড হে। ঃ আজিকালি ছোৱালীবোৰে ফ্ৰেণ্ড ফ্ৰেণ্ড কৈ লৰাৰ লগত ঘূৰি ফুৰোতে; দুদিন পাছত প্ৰেগনেণ্ট হোৱাৰ খবৰ শুনো। ঃ মা... (অংকিতাই কান্দু যেন কৰি আৱেগৰে চিঞৰে।) ঃ হব যা... বেছি দেৰি নকৰিবি। দেউতা অফিচৰ পৰা আহিলে আনিবলৈ পঠাম বাৰু। তই টিনাৰ ঘৰতে থাকিবি। ঃ অকে... থেংকীউ ডিয়েৰ। ---- অংকিতাই মাকৰ গালত চুমা এটা দি ওলায় যায়। *********** বিপ..... বিপ..... বিপ..... পুনঃ মোবাইলতো খুলি চালে অংকিতাই। স্ক্ৰীনত ভাঁহি আছে ...
